शुक्रबार, ११ असार २०७८

‘बहुदलीय लोकतन्त्रमा निर्दलीय महागठबन्धन, रूख र गोलाकार बेपत्ता’



काठमाडौं । नेकपा एमालेका नेता तथा पूर्व सञ्चार मन्त्री गोकुल बास्कोटाले राष्ट्रियसभा सदस्यको उपचुनावमा एमालेविरुद्ध बनेको गठबन्धनलाई बहुदलीय लोकतन्त्रमा निर्दलीय महा गठबन्धन भएको भन्दै यसलाई आउने चुनावको युद्ध अभ्यासको संज्ञा दिनुभएको छ ।

बास्कोटाले उपनिर्वाचनमा कांग्रेसको चुनाव चिह्न रूख र माओवादीका गोलाकारभित्रको हँसिया हथौडा बेपत्ता भएको भन्दै बहुदलीय लोकतन्त्रमा निर्दलीय महा गठबन्धन बनेको टिप्पणी गर्नुभएको हो ।

‘बहुदलीय लोकतन्त्रमा रूख र गोलाकार बेपत्ता भएको निर्दलीय उम्मेदवार बोकेर लोकतन्त्र संरक्षणको चटक देखाउनुले के बताउँछ ? एक एमालेविरुद्ध चार निर्दलीय महागठबन्धन,साायद आउने चुनावको युद्ध अभ्यास होला ।’बाँस्कोटाले फेसबुकमा लेख्नुभएको छ ।

जेठ ६ गते हुने राष्ट्रियसभाको उपचुनावमा एमालेका रामवहादुर थापा बादलविरुद्ध एमालेकै माधव नेपाल पक्षका खिमलाल देवकोटा स्वतन्त्र उम्मेदवार बनेका छन् । उनलाई कांग्रेस र माओवादीले समर्थन गरेका छन् ।

प्रतिक्रिया दिनुहोस